عوالم خفية - Awalem Khafea
لە ساڵی ٢٠١٠ ئافرەتێک لە شاری ئەسکەندەریە کۆمەڵێک کاغەزی دەستنوس دەخاتە ناو دوو توێی بەرگی ڕۆمانێک بەناوی (عوالم خفية / جیهانە شاراوەکان ) و دواتر دەردەکەوێت کە ئەو ئافرەتە کەسێکی بەناوبانگە و ئەو یادەوەریانەی نوسیوێتی باسی گەندەڵی و خراپی کۆمەڵێک کەسایەتی گەورە دەکات، دواتر کاتێک سەرقاڵی کۆتا دێرەکانی یادەوەریەکەی دەبێت کەسێکی دەمامکدار هەڵدەکوتێتە سەر شوقەکەی و کتێبی یادەوەریەکانی لەدەست دەردەچێت و دەکەوێتە ناو ئوتومبیلی خۆڵەکە و پاشان خۆشی دەکەوێتە خوارەوە و دەمرێت، دواتر ئەم ڕوداوانە دەگوازرێتەوە بۆ شاری قاهیرە بۆ لای ڕۆژنامەنوسێکی نەیاری دەسەڵات بەناوی (هیلال کامل ) کە نوسینەکانی دژی گەندەڵی و کارە خراپەکانی حکومەتە، بە ڕێکەوت ئەم کتێبە دێتە بەردەستی و هەوڵ دەدات تەلیسم و شفرەکانی ناو یادەوەریەکە بدۆزێتەوە و ئەم کارەش کیشە و گرفت بۆ خۆیی و خێزانەکەشی دروست دەکات.